Kanadalyq lotereıadan $49 mln utty
ASTANA. QazAqparat - 60 mln Kanada dollary ($49 mln) kólemindegi utysy bar lotereıa bıleti Kanadanyń ortalyq provıntsııalarynyń birindegi Lotto Max ulttyq lotereıasynda satylǵan.
Bul týraly Atlantic Lottery qaýymdastyǵynyń ókilderi habarlady.
Qazirgi tańda belgili bolǵandaı, bul lotereıany Manıtoba, Saskachevan nemese Alberta provıntsııasy turǵyndarynyń biri satyp alýy múmkin. «Sáıkes nómirler - 2, 10, 37, 38, 39, 43, 47. Bonýs-san - 28», - dep naqtylady uıymdastyrýshylar.
Budan bólek, taǵy 15 qatysýshynyń árqaısysy 1 mln Kanada dollary kólemindegi ($810 myń) «qosymsha syılyqtardy» jeńip alǵan. Bul bıletter Kvebek, Ontarıo, Manıtoba, Saskachevan jáne Alberta provıntsııalarynda júzege asyryldy.
