Kanadalyq lotereıada $47 mln utyp aldy
ASTANA. QazAqparat - Kvebek provıntsııasynyń turǵyny Lotto Max ulttyq lotereıasynan 60 mln kanada dollaryn ($47 mln) utyp aldy. Bul týraly Kanadada osyndaı on shaqty utys oıynyn ótkizetin Atlantic Lottery qaýymdastyǵynyń ókili málim etti, dep habarlaıdy reseılik TASS agenttigi.
Ázirge utys ıegeriniń aty-jóni belgisiz. Kanada utys oıyndarynyń erejesine sáıkes joly bolǵan adam syıaqyny alý úshin uıymdastyrýshylarǵa bıletin kórsetýi tıis, ári onyń esimi kópshilikke jarııa etiledi.
Rojdestvo merekesine oraı ótkizilgen (Kanade Rojdestvony 25 jeltoqsanda atap ótedi) lotereıada kanadalyq mıllıon dollar kóleminde ($780 myń) 32 yntalandyrý syıaqysy bolǵan. «Qazir 16 utystyń ıegeri anyqtaldy», - dep málim etti uıymdastyrýshylar.
Kanadada 64 mln kanada dollary bolatyn (sol kezdegi baǵamy $49,5 mln) eń iri djekpot 2015 jyldyń qazan aıynda oınalǵan edi.
