Kanadalyq laınerdiń ushar kezde dońǵalaǵy julynyp ketti
NUR-SULTAN. QazAqparat - Air Canada kompanııasynyń ushaǵy áýege kóteriler kezde shassıiniń bir dońǵalaǵy julynyp ketip, shuǵyl qonýǵa májbúr boldy, dep habarlaıdy CBC telearnasy.
Bombardier Dash 8 áýe laıneri Monrealdan Kanadanyń Segeneı qalasyna ushý tıis edi. Tótenshe jaǵdaıdan keıin janarmaıdyń belgili bir bóligi taýsylǵansha bir saǵat boıy áýejaıdyń ústinde aınalyp ushyp júrýge májbúr bolǵan ushaq, keıin oıdaǵydaı jerge qondy. 52 jolaýshy men ekıpaj músheleriniń eshqaısysy zardap shekken joq.
