Kanadalyq qala meri «Áziret Sultan» meshitine keldi (FOTO)
ASTANA.QazAqparat - Keshe «Áziret Sultan» meshitine Kanada memleketiniń Kıtchener - Vaterloo shaharynyń meri Brenda Helloran hanym arnaıy at basyn, qulshylyq ordasyn kórip qaıtty, dep habarlaıdy muslim.kz.
Elordamyzdyń ajaryn kirgizgen sáýletti ǵımarattyń sáni men qurylysyna, janǵa jaıly oń áserine Brend Helloran hanym tánti bolyp, tolqyp shyqty. Qulshylyq ordasyn aralap, qasıetti Quran Kárimniń kóne qoljazbalary men kúmisten quıylǵan paraqshalaryn tamashalady. Alystan kelgen qonaqqa asyl muramyz «Batyrlar jyry» dıskter jınaǵy tartý etildi. Óz kezeginde Brenda Helloran hanym "Áziret Sultan" meshitiniń zamanaýı úlgide salynǵan óte sáýlleti ǵımarat ekenin, osynda kelgenine óte qýanyshty ekenin bildirdi.
