Kanadalyq gıpnozdaýshy Frantsııada telekórermendi qımylsyz qaldyrdy
ASTANA. QazAqparat - Frantsııanyń ońtústik-batysyndaǵy qutqarý qyzmetteriniń aldynda erekshe mindet qoıyldy: olardyń kómegine kanadalyq gıpnozdaýshy Mesmerdiń qatysýymen ótken teleshoýdy kórip, gıpnoz áserinde qalǵan adamnyń týystary júgindi.
Telekórermenniń otbasy qutqarýshylardan er adamnyń teledıdar aldynda bir saǵat qımylsyz tabjylmaı otyrǵannan keıin kómek suraǵan.
Onyń zaıyby jubaıyn gıpnoz áserinen qalaı shyǵara alýdy bilmegendigin túsingende qatty qoryqqanyn aıtady. Alaıda jubaıyn gıpnozdan aqyry ózi shyǵardy: ol áıeliniń qatty aıqaıynan keıin esin bir-aq jınady.
Qutqarýshylardyń málimetterinshe, gıpnoz áserine túsip qalǵan telekórermen ózin birtindep qalypty sezine bastaǵan.
Alaıda er adam qatty qoryqqandyǵyn aıtady: gıpnoz kezinde ol komaǵa túsip bara jatqandaı bolǵan.
