Kanadalyq ǵalymdar sulý bettiń teńe-teńdigin eseptep shyǵardy
ASTANA. Jeltoqsannyń 21-i. QazAqparat - Áıel betiniń sulýlyǵyn anyqtaıtyn negizgi faktor qarashyqtar aralyǵyndaǵy qashyqtyq pen qos janardyń jáne aýyzdyń aralyǵyndaǵy qashyqtyq bolyp tabylatyn kórinedi. Bul jóninde Toronto ýnıversıteti ǵalymdarynyń zertteý nátıjelerinde málim etilgen,
dep habarlaıdy QazAqparat The Daily Telegraph saıtyna silteme jasap.
Kópegen synaqqa qatysýshylar fotosýretterdegi túzetilgen betteriniń sulýlyǵyna esh shúbá keltirmeıdi - shynynda da bul ólshemderde belgili bir ara-qatynastar saqtalǵan. Bir qarashyqtan ekinshi qarashyqqa deıingi uzyndyq bóligi bir qulaqtan ekinshi qulaqqa deıingi bet jalpaqtyǵynyń - 46-dan 50-ge deıingi paıyzyn, al erin men kózderdiń arasyndaǵy qashyqtyq shash túbiniń syzyǵy men ıek arasyndaǵy qashyqtyqtyń 33-ten 36-ǵa deıingi paıyzyn quraýy tıis.
Zertteýshiler qarapaıym áıelderdiń basym bóliginiń betteri osy ólshemderge sáıkes keletinin ataıdy. Eseptelgen standarttarǵa kóptegen ataqty áıelderdiń, mysaly, Djessıka Alba jáne Elızabet Herlıdiń betteri sáıkes keledi.
Solaı bolǵanymen, Anjelına Djolıdiń beti mundaı sıpattamaǵa úılespeıdi - bul onyń jyl saıyn eń tartymdy áıelder reıtıngine enýine kedergi keltirip otyrǵan joq. Zertteýshilerdiń aıtýyna qaraǵanda, joǵaryda kórsetilgen tepe-teńdikti shashty sándeý arqyly-aq op-ońaı ózgertýge bolatyn kórinedi.
