Kanadalyq boksshy Jan Paskal Soltústik Amerıka chempıony atandy
ASTANA. 19 qańtar. QazAqparat - Burynǵy álem chempıondarynyń jekpe-jeginde kanadalyq kásibı boksshy Jan Paskal rýmyndyq Lýchan Býteden basym tústi.
Monreal qalasyndaǵy 12 raýndtyq aıqasta ol upaılar sany boıynsha jeńimpaz dep tanylyp, soltústikamerıkalyq boks federatsııasynyń uıǵarymy boıynsha 79,38 kelige deıingi salmaq dárejesinde Soltústik Amerıka chempıony ataǵyna ıe boldy.
Endi 31 jastaǵy Paskaldiń qorjynynda 29 jeńis (17-si nokaýtpen) bar, sondaı-aq ol 2 ret jeńilip, 1 ret teń túsken. 2009-2011 jyldar aralyǵynda kanadalyq boksshy Búkilálemdik boks keńesiniń uıǵarymy boıynsha álem chempıony ataǵyn tórt ret qorǵaǵan. Keıinnen tek amerıkandyq Bernard Hopkınske jol bergen. Sol kezden beri ol úshinshi jyl qatarynan jeńiske jetip keledi.
Bylǵary qolǵap sheberleriniń sharshy alańdaǵy jekpe-jegin tamashalaý úshin «Bell sentr» arenasyna shamamen 22 myń kórermen jınaldy, dep habarlaıdy ITAR-TASS.
