Kanadalyq azamat lotereıada 10 mln. dollar utyp aldy
ASTANA. QazAqparat - Kanadada belgisiz bireý eldegi «49-dyń ishinde 6» atty ataqty lotereıada 13,3 mln. kanadalyq dollardy utyp aldy. Bul týraly jeksenbi kúni elde osyǵan uqsas onǵa jýyq utys oıyndaryn ótkizetin Atlantic Lottery qaýymdastyǵynyń ókilderi habarlady.
Qazirgi kezde bılettiń Kanadada halyq eń tyǵyz ornalasqan aımaqtardyń biri - Ontarıo provıntsııasyndaǵy eldi mekenderdiń birinde satylǵany anyqtaldy. «Oıynǵa qatysqan sandar - 6, 27, 30, 34, 35 jáne 42», - dep naqtylady uıymdastyrýshylar. Bul lotereıadaǵy kelesi úlken utys aǵymdaǵy jyldyń 27 aqpanynda bolǵan. Onda Brıtandyq Kolýmbııa jáne Manıtoba provıntsııalarynyń eki turǵyny árqaısysy 7,2 mln. kanadalyq dollar (5,45 mln. dollar) utqan.
2015 jyldyń qazanynda«49-dyń ishinde 6» lotereıasynda Kanada tarıhyndaǵy eń iri djekpot - 64 mln. kanadalyq dollar oınatylǵan, dep jazady TASS.
Ótken jyldyń jeltoqsan aıynyń sońynda Kanadada taǵy bir ataqty ulttyq lotereıa oıyny - Lotto Max-ta 60 mln. dollar kóleminde (43,3 mln. dollar) utys kólemi jaǵynan ekinshi orynda bolǵan djekpot oınatylǵan edi.
