Kanadalyq aıýlar qalany «jaýlap» aldy

ASTANA. QazAqparat - Kanadalyq aıýlar turǵyndary orman órtteri saldarynan qaýipsiz jerge shyǵarylǵan Fort-Makmıýrreı qalasyn basyp alýy múmkin.

Jergilikti polıtseıler qalany kútpegen qonaqtardan qorǵap qalýǵa árekettenip otyr.

Kanadalyq Alberta provıntsııasynyń ormandarynda 40 myń aıý mekendep jatyr. Alaıda órt saldarynan ormannyń kóp bóligi órtenip, janýarlar tabıǵı tirshilik etý ortasynan aıyryldy. Azyq izdep júrgen aıýlar sol úshin qalaǵa kirýge májbúr bolyp otyr, al munda adamdardyń bolmaýy olardyń saıahatyn qaýipsiz etýge jaǵdaı jasaýda. Budan basqa, bos qalǵan úılerde azyq-túlik búline bastap, ıisi búkil qalaǵa tarap ketti, dep jazady epochtimes.ru.

«Adamdardyń bolmaýy aıýlardyń buryn barmaǵan jerlerge kirýine jaǵdaı jasap otyr», - deıdi Alberta ýnıversıtetiniń professory bıolog Lı Fýta.