Kanadalyq astronavt ǵaryshta jazǵan erekshe án albomyn jaryqqa shyǵarmaq

ASTANA. QazAqparat - Kanadalyq astronavt Krıs Hedfıld halyqaralyq ǵarysh stansasynyń bortynda jazǵan óziniń alǵashqy «Space Sessions: Songs From a Tin Can» («Ǵaryshtaǵy seanstar: qalaıy ydystan shyqqan ánder») atty albomyn jaryqqa shyǵarmaq, dep habarlaıdy hi-news.ru.

Albomda 11 trek bar, olardy Hedfıld 2013 jylǵy ǵaryshqa sapary barysynda jazǵan.

«Bul ánderdi jumystan bos ýaqyt taýyp jazdym. Ǵaryshqa saparym meni shabyttandyrdy», - deıdi Hedfıld.

«Ǵaryshtaǵy seanstar» albomyn Warner Music Canada baspasy bıylǵy 9 qazanda shyǵarady. Oǵan qazirden tapsyrys berýge bolady. Albom avtorynyń aıtýynsha, aýada qalqyp júretin gıtarada oınap, án salý ońaıǵa túspegen. Onyń ústine, salmaqsyzdyq jaǵdaıynda adamnyń tili isinip, saldarynan daýysy ózgerip ketedi. Ári, Hedfıldtiń aıtýynsha, ǵarysh stansasynda shyǵarmashylyqpen aınalysýǵa múmkindik beretin tynysh jer tabý da úlken qıyndyq eken, sebebi onda mańaıdyń bári avtobýsta kele jatqandaǵy tárizdi shýǵa toly kórinedi.