Kanadalyq Arktıkadan ejelgi túıeniń qańqasy tabyldy
ASTANA. 10 naýryz. QazAqparat - Kanadalyq paleontologtar túıelerdiń arǵy otany Arktıka ekendigin dáleldedi. Elsmır aralyn zertteý kezinde olar budan 3,5 mıllıon jyl buryn ómir súrgen túıeniń súıekterin tapty, dep habarlady Lenta.rý.
Arktıkalyq túıelerdiń júni qalyń, qazirgi túıelerden edáýir iri bolǵan, onyń salmaǵy 1000 kelige deıin jetedi, shoqtyǵymen sanaǵanda boıy 3 metrge jýyqtaıdy.
Ǵalymdar ony plıotsen dáýiriniń murasy dep sanaıdy, ol kezde Arktıka jyly bolyp, qalyń orman basqan. «Bizdiń zertteýlerimiz túıelerdiń mıllıondaǵan jyl Soltústik Amerıka aýmaǵynda ósip-óngenin kórsetti. Ádette biz bul janýar ystyq jaqta bolady dep sanaıtynbyz», - deıdi zertteý avtorlarynyń biri Natalııa Rybchınskı.
Ǵalymdardyń jumysy Nature Communications jýrnalynda jarııalandy.
