Kanadalyq naýqas emdelý úshin elimizdegi Ulttyq neırohırýrgııa ortalyǵyna kelgen

ASTANA. KAZINFORM – Kanada azamaty alǵash ret Qazaqstanǵa moıyn omyrtqasyna kópfýnktsıonaldy jasandy dısk ornatý boıynsha joǵary tehnologııalyq operatsııa jasaý úshin keldi. Bul týraly Densaýlyq saqtaý mınıstrliginiń baspasóz qyzmeti habarlady. 

Sheteldik patsıentke moıyn omyrtqasy bóliginde jaryq (gryja) dıagnozy qoıylyp, oǵan zamanaýı kópfýnktsıonaldy protez qoldaný arqyly operatsııa jasaldy. Bul protez moıyn omyrtqasynyń tabıǵı qozǵalysyn saqtaýǵa jáne qımyl-qozǵalystyń tolyq qalpyna kelýine múmkindik beredi. 

Ota mıkroskop arqyly, az ınvazıvti tásilmen, zamanaýı hırýrgııalyq qural-jabdyqtardy paıdalana otyryp, joǵary dáldikti mıkrohırýrgııalyq ádisterdi meńgergen mamandardyń qatysýymen júrgizildi. 

Patsıent Natalıanyń aıtýynsha, ol Qazaqstanǵa arnaıy maqsatpen kelgen, sebebi uzaq ýaqyt boıy qatty bas aýrýy, qol men arqadaǵy siresý jáne uıý belgilerinen zardap shekken. 

– Bes jyl boıy aýyrsyný men jaısyzdyqty sezindim. Alaıda operatsııadan keıin kelesi kúni-aq jeńildep qaldym, - deıdi Natalıa. 

Natalıanyń Kanadada turyp jatqanyna 25 jyldan astam ýaqyt bolǵan. Ol densaýlyǵy nasharlaǵan soń aqyly emdelý nusqalaryn izdep, ınternet arqyly Ulttyq neırohırýrgııa ortalyǵynyń saıtyn tapqan.  

Naýqas buǵan deıin Qazaqstanda bolmaǵanyn jáne el týraly kóp bilmegenin atap ótti. Alaıda Ortalyq týraly aqparatpen tanysyp shyqqan soń, bul – zamanaýı ári bilikti medıtsınalyq uıym ekenine kóz jetkizgen. 

– Operatsııa joǵary deńgeıde ótti. Medıtsınalyq personaldyń kásibıligi men yqylasyna tántimin. Ulttyq neırohırýrgııa ortalyǵynyń dárigerlerine qamqorlyǵy men joǵary sapaly emi úshin alǵys bildiremin, - dedi Natalıa.  

Patsıent spınaldyq neırohırýrgııa bóliminiń jetekshisi, professor Talǵat Kerimbaevqa erekshe rızashylyǵyn bildirip, Ortalyq ujymyna órkendeý men tabysty jumys tiledi. 

Eske salsaq, osyǵan deıin Almaty dárigerleri kózine temir kirgen naýqastyń kórý qabiletin saqtap qalǵanyn jazǵanbyz.