Kanadalyq qorǵaýshy Djeık Massı «Barys» sapyna qosyldy

ASTANA. KAZINFORM — Kanadalyq qorǵaýshy Djeık Massı aldaǵy maýsymda «Barys» hokkeı klýby sapynda oıyn kórsetedi.

Birjaqty kelisimshart 2026 jylǵy 31 mamyrǵa deıin kúshinde bolady.

Djeık Massıdi 2015 jyly «Karolına Harrıkeınz» draftta tańdaǵan. Alaıda onyń eń sátti maýsymy «Vashıngton Kepıtalz» klýbynyń júıesinde ótti. «Hershı Bears» sapynda ol eki márte Kolder Kýbogyn jeńip aldy. Ótken maýsymda Djeık AHL-degi 23 matchta 2 shaıba soǵyp, 2 nátıjeli pas berdi.

Aıta ketsek, budan buryn elordalyq klýbpen AQSh hokkeıshisi Ien Makkosh, reseılik ıÝrıı Paýtov, Vladımır Volkov, Emıl Galımov, qazaqstandyq Kırıll Panıýkov, Kırıllom Savıtskıı, Batyrlan Muratov, Roman Starchenko kelisimshartqa qol qoıdy.

Bıyl «Barys» Qurlyqtyq hokkeı lıgasynda sátsiz oıyn kórsetti. Shyǵys konferentsııasynda 12 oryn alyp, 68 oıynnan keıin nebári 35 upaı jınady.

Jańa maýsymǵa oqý-jattyǵý jıynynyń negizgi bóligi Astana qalasynda ótip jatyr. Aldymen medıtsınalyq komıssııa tekserýinen keıin ekijaqty kelisimshartqa qol qoıǵan hokkeıshiler 15 shildeden bastap daıyndyqqa kiristi.

Qazaqstandyq klýb Qurlyqtyq hokkeı lıgasyndaǵy jańa maýsymda alǵashqy úsh oıyndy elordada ótkizedi. Aldymen 7 qyrkúıekte Reseıdiń «Traktor» (Chelıabınsk) komandasymen kezdesse, odan keıin 9 qyrkúıekte «Amýr» (Habarovsk), 13 qyrkúıekte Belarýstiń «Dınamo» (Mınsk) klýbtarymen sheberlik baıqasady.