Kanadalyq aqyn Enn Karson ádebıet salasyndaǵy Nobel syılyǵyn aldy
ASTANA. KAZINFORM — Kanadalyq aqyn ári jazýshy Enn Karson 2026 jylǵy ádebıet salasyndaǵy Nobel syılyǵynyń laýreaty atandy.
Sheshim Stokgolmde jarııalandy. Nobel komıteti Enn Karsonnyń shyǵarmashylyǵyn batyldyǵy men jańashyldyǵy, sondaı-aq klassıkalyq ádebı dástúrmen úndese otyryp, jańa ádebı formalar qalyptastyrǵany úshin joǵary baǵalaǵan.
76 jastaǵy Enn Karsonnyń jaryq kórgen 20-ǵa jýyq kitaby bar. Onyń shyǵarmashylyǵy buǵan deıin de ádebıet synshylary tarapynan joǵary baǵalanyp kelgen.
BREAKING NEWS The 2026 #NobelPrize in Literature is awarded to the Canadian author Anne Carson, “for her bold and inventive oeuvre that, in playful dialogue with the classical tradition, has created new forms for contemporary literature.” https://t.co/YRvlRghlGG
— The Nobel Prize (@NobelPrize) October 8, 2026
Jazýshynyń marapattary qatarynda Pýshkart, Grıffın, T. S. Elıot jáne Astýrııa hanshaıymy syılyqtary, sondaı-aq Kanada ordeni bar.
Bıyl Nobel syılyǵynyń ózge de laýreattary anyqtaldy. Hımııa salasyndaǵy syılyq Anrı Kagan men Kenso Soaıge, fızıka salasyndaǵy syılyq Frensıs Haltsenge, al medıtsına salasyndaǵy júlde Karl Deısserot, Peter Hegeman jáne Georg Nagelge berildi.
2026 jylǵy fızıologııa jáne medıtsına salasyndaǵy Nobel syılyǵy ǵalymdar Karl Deısserot, Peter Hegeman jáne Georg Nagelge «jaryq arqyly basqarylatyn ıondyq arnalar men optogenetıkaǵa qatysty jańalyqtary úshin» berildi. Laýreattardyń esimderi 5 qazanda, dúısenbi kúni Stokgolmde jarııalandy.
