Kanadaǵa bet alǵan ushaqtaǵy ýly órmekshiler jolaýshylardy shoshyndyrdy
ASTANA. QazAqparat - Domınıkan respýblıkasynan Air Transat áýe kompanııasynyń Kanadaǵa baǵyt alǵan ushaǵynyń ishindegi eki búıe jurtty qatty úreılendirdi.
Ýly órmekshiler jolaýshylar sómkesinen shyǵýy múmkin dep shamalanyp otyr.
Ushaq salonynda júgirip júrgen eki búıeni kórgen jolaýshylar shoshyp, oryndyqtarynan atyp turyp, aıaqtaryn barynsha jabýǵa tyrysty, dep habarlaıdy The Guardian.
Aqyry órmekshilerdiń bireýin ustaý múmkin boldy. Olardyń ekinshisi ushaqtyń ishki bóliginde Monrealǵa ushyp kelgenshe jorǵalap júrdi. Qonǵan soń ony arnaıy qyzmetter ustap aldy.
Búıelerdiń uzyndyǵy - 20 santımetrge jete alady jáne olardyń azýy 2 santımetrdeı bolýy múmkin, dep jazady russian.rt.com.
