Kanadadaǵy orman órti taǵy bir provıntsııada órshı tústi
ASTANA. QazAqparat - Kanadanyń Alberta provıntsııasynda yryq bermeı turǵan orman órti kórshiles Saskachevan provıntsııasyna da jetti. Jan-jaǵyn jalmaǵan jalyn 800 gektar aýmaqty sharpyǵan, dep jazady 24.kz.
Mamyrdyń basynda eldiń batysynan bastalǵan tilsiz jaý kún sanap órship barady. Tabıǵı apattan ásirese Fort Mak-Mýrreı qalasynyń turǵyndary qatty zardap shekti. Munda 2,5 myńǵa jýyq úı janyp ketken.
Tilsiz jaýdy aýyzdyqtaýǵa kúnniń kúrt ysýy men uıytqı soqqan jel kedergi keltirýde. Degenmen, sınoptıkter aldaǵy kúnderi aımaqta aptaptyń beti qaıtyp, jańbyr jaýady dep boljap otyr.
