Kanadadaǵy karate týrnırinde eki qazaqstandyq sportshy fınalǵa shyqty
NUR-SULTAN. QazAqparat - Kanadanyń Monreal qalasynda karateden A serııasy aıasynda ótip jatqan reıtıngilik týrnırde eki qazaqstandyq sportshy fınalǵa shyqty, dep habarlaıdy QazAqparat.
QR Ulttyq olımpıadalyq komıteti habarlaǵandaı, erler arasynda 60 keli salmaqta synǵa túsip jatqan Darhan Asadilov fınalǵa shyqsa, áıelder arasynan 55 kelide el namysyn qorǵap jatqan Sabına Zaharova sheshýshi synda altyn medalǵa talasady.
Sondaı-aq, bes sportshymyz qola medal úshin ótetin kezdesýlerge qatysady. Atap aıtar bolsaq, Erkinbek Baıtóreev (60 keli), Dıdar Ámiráli (67 keli), Sofıa Berýltseva (+68 keli), Ermek Aınazarov (75 keli), Igor Chehmarev (84 keli) úzdik úshtikke ený úshin tatamıge shyǵady.
Fınaldyq kezdesýler Kanada ýaqytymen búgin ótedi.
