Kanadadaǵy eldi mekendi ıtbalyqtar basyp qaldy
ASTANA. QazAqparat - Atlant muhıtyna aparatyn jol izdegen qyryqqa jýyq ıtbalyq Kanadaǵa qaraıtyn Nıýfaýndlend aralyndaǵy Roddıkton-Baıd Arm eldi mekeninde qalyp qoıdy. Osyǵan baılanysty, mýnıtsıpalıtet keńesi jaǵalaýdyń kúzet qyzmetine júginýine týra keldi, dep habarlaıdy BFMTV telearnasy.
Roddıkton-Baıd Arm eldi mekeni araldyń soltústiginde, ıtbalyqtardyń kóshi ótetin joldyń ústinde ornalasqan. Teńiz janýarlary qysta Arktıka men Grenlandııany tastap, Nıýfaýndlend ózenderine, Qasıetti Lavrentıı shyǵanaǵyna baryp qystaıdy.
Aýyl adamdaryna sútqorektilerdiń bıylǵy joryǵy kádimgideı qıyndyq týdyryp otyr. Óıtkeni turǵyndar Roddıkton-Baıd Armnan ketpeı qoıǵan janýarlardy qýyp shyǵa da almaıdy, qashan óz betimen ketetinin de bilmeıdi. Itbalyqtar adamǵa zalal keltirýi de múmkin. Budan tys, janýarlar terisiniń túsi asfaltqa óte uqsas bolǵandyqtan, birazyn mashına basyp ketti.
Sondyqtan, jergilikti bılik ókilderi teńiz janýarlaryn evakýatsııalaý úshin jaǵalaý kúzeti qyzmetine resmı saýal joldady.
