Kanadadaǵy boks keshinde úsh qazaqstandyq rıngke shyǵady
ASTANA. QazAqparat - Shavınıganda (Kanada) 16 maýsymda úsh qazaqstandyq qatysatyn boks shoýy ótedi, dep habarlaıdy Sports.kz.
Atap aıtqanda, rıngke Abylaıhan Husaınov (8-0, 5 KO), Nurzat Sabırov (5-0, 5 KO) jáne Sadrıddın Ahmedov (1-0, 1 KO) shyǵady. Biraq olardyń qarsylastarynyń kim ekendikteri ázirge jarııalanǵan joq.
Aldynda Hýsaınovtyń boks keshiniń birinde ózge qazaqstandyq - Batyr Júkembaevpen (12-0, 10 KO) 26 mamyrda Kvebekte (Kanada) rıngke shyǵýy kútilgen edi. Biraq tańdaý maýsymdaǵy jekpe-jekke aýysty.
Abylaıhan óziniń sońǵy aıqasyn 31 naýryzda ótkizdi. Ol tóreshilerdiń biraýyzdan qabyldaǵan sheshimimen meksıkalyq boksshy Hılberto Mesýdy (8-4-1, 5 KO) jeńdi.
Sabırov 7 sáýirde cheh Stanıslav Eshnermen (8-9-1, 5 KO) aıqasqan. Alty raýndtyq jekpe-jek tórtinshi raýndta Nurzattyń jeńisimen aıaqtaldy (tehnıkalyq nokaýt).
Sol keshte Ahmetov profı-rıngte jasyndaı jarqyldap nebári 31 sekýndta meksıkalyq Tonı Tonı Barrerasany (1-2, 1 KO) sulatyp saldy.
