Kanadadaǵy atys: Qurban bolǵandar sany 23 adamǵa jetti
GALIFAKS. QazAqparat – Polıtsııanyń málimetinshe, demalysta Kanadanyń Jańa Shotlandııa provıntsııasyndaǵy atystan mert bolǵan adamdardyń sany 19-dan 23-ke deıin kóbeıdi.
Bul – qazirgi Kanada tarıhyndaǵy eń qorqynyshty oqıǵalardyń biri. Polıtsııa shabýyl jasaǵan adamdy 14 caǵat boıy qarýsyzdandyrmaq boldy.
Qurban bolǵandar arasynda 17 jastaǵy jasóspirim bar. Buǵan deıin polıtsııa Jańa Shotlandııa provıntsııasynda óltirilgen adamdardyń barlyǵy eresek dep sanaǵan, dep habarlaıdy QazAqparat VVS agenttigine silteme jasap.
https://www.bbc.com/news/world-us-canada-52376547
Qylmystyń sebebi anyqtalǵan joq. Shabýyl jasaǵan er adamnyń qurban bolǵandardyń keıbireýlerin tanyǵany habarlandy.
Adamdarǵa oq jaýdyrǵan 51 jastaǵy er adam polıtsııa qolynan qaza tapty.
Jańa Shotlandııa provıntsııasynyń koroldik at ústindegi polıtsııasy seısenbi kúni jasaǵan málimdemesinde shabýyldan qaıtys bolǵan adamdardyń naqty sanyn atap, oqıǵanyń hronologııasyn baıandap berdi.
Polıtsııa buǵan deıin qurban bolǵan adamdardyń sany odan da kóp bolýy múmkindigin eskertken edi, sebebi olar Jańa Shotlandııanyń soltústik jáne ortalyq bólikterinde bolǵan 16 qylmys ornyn qarap shyqty.
Tártip saqshylarynyń jumysyna órt kedergi bolǵan. Polıtsııanyń málimetinshe, shabýyldaýshy adam deneleri qalýy múmkin shamamen bes úıdi órtep jibergen.
Іsti tolyq tergeýge birneshe aı ýaqyt ketýi múmkin.
Aıta keteıik, osyǵan deıin Kanadada belgisiz bireýdi 13 adamdy atyp óltirgeni habarlanǵan edi.
