Kanadadaǵy alapat órt saqtandyrýshylarǵa 7 mlrd dollarǵa túsip otyr
ASTANA. QazAqparat - Kanadadaǵy Albert provıntsııasynda bir aptaǵa sozylǵan órtten kelgen shyǵyn 7 mlrd dollarǵa baǵalanýda. Kanada úshin rekordty saqtandyrý tólemi osynsha somany quraıdy.
Albertte bastalǵan órt kórshi Saskachevan provıntsııasyna tarady.
Jalyn 2000 sharshy shaqyrymnan astam alańdy sharpýda. Bılik qutqarýshylarǵa órtti aýyzdyqtaýǵa tek nóser jaýyn ǵana járdemdese alady dep sanaýda.
Mak-Mıýrreı fortynan júz myńnan astam adam evakýatsııalandy.
Tilsiz jaýmen 500-den astam órt sóndirýshi arpalysýda, operatsııaǵa 15 tikushaq, 14 ushaq jumyldyryldy.
1600-den astam úı janyp ketti, dep habarlaıdy Bı-bı-sı.
