Kanadadaǵy alapat orman órti qalalyq áýejaıǵa kóshti

ASTANA. QazAqparat - Orman órti kanadalyq Alberta provıntsııasy Fort-Makmıýrreı mańynda ornalasqan áýejaıdyń soltústik bóligine kóshti.

CBC telearnasynan habarlaǵandaı, barlyq reıster ushyrylmaıtyn boldy, ǵımarat alańyn qoıý qara tútin basyp qaldy. Áýejaıdyń keı qyzmetkerleri ońtústik bólikte ornalasyp,jolaýshylar qaýipsiz jerge shyǵaryldy.

Ot Fort-Makmıýrreı qalasyna edáýir zalalyn tıgizdi. Órt qonaq úılerdi, dúken men birneshe qurylystardy jalmady.

Tilsiz jaýdy aýyzdyqtaýǵa 250 órt sóndirýshi, 17 ushaq pen 12 tikushaq jumyldyryldy. Aımaqta tótenshe jaǵdaı engizildi, dep habarlady life.ru.