Kanadada júk poıyzynyń quramy relsten shyǵyp ketti
ASTANA. QazAqparat -Kanadanyń Manıtoba ortalyq provıntsııasynda janarmaı tasıtyn júk poıyzy relsten shyǵyp ketip, bir adam qaza tapty. Bul jóninde jeksenbi kúni SVS telearnasy málim etti, dep habarlaıdy TASS agenttigi.
Tótenshe jaǵdaı senbi kúni óńirdiń soltústigindegi shalǵaıdaǵy jerde bolǵan. Ázirge anyqtalmaǵan sebepterge sáıkes, relsten úsh lokomotıv pen poıyzdyń birneshe vagondary shyǵyp ketken. Bas lokomotıvte eki mashınıst qysylyp qalyp, bireýi alǵashqy kómek kórsetilgenge deıin qaza tapty. Qutqarýshylar ekinshi júrgizýshini tikushaqpen apat ornynan 145 shaqyrymda ornalasqan Tompson qalasyna jetkizgen. Jaǵdaıy aýyr dep baǵalanýda.
Úsh lokomotıv pen 27 vagonnan turatyn poıyz quramy Arctic Gateway Group kompanııasyna tıesili.
Aldyn ala málimetterge sáıkes, janar-jaǵarmaı tsısternadan aǵyp ketpegen. Oqıǵa ornyna quramnyń relsten shyǵyp ketýiniń sebepterin anyqtaıtyn kompanııa ókilderi men mamandar kelip úlgerdi.
