Kanadada jolaýshylar ushaǵy apatqa ushyrady, qaza bolǵandar bar
ASTANA. 23 jeltoqsan. QazAqparat - Kanadalyq provıntsııa Nýnavýtta jolaýshylar ushaǵy apatqa ushyrady. Bul týraly Lenta. Rý habarlady.
CSC News telearnasynyń málimetinshe, onyń bortynda toǵyz adam, sonyń ishinde ekıpajdyń eki múshesi men bir bala boldy.
The Canadian Press resmı málimetterge súıenip habarlaǵandaı, jolaýshylardyń biri mert boldy. Ushaqty basqarýshylardyń birine medıtsınalyq kómek oqıǵa ornynda kórsetildi, ekinshisi emdelý úshin Vınnıpeng qalasyna jóneltildi. Jolaýshylar arasynda da zardap shekkender bar, degenmen, olardyń densaýlyq jaǵdaıy týraly tolyq aqparattar taratylmaı otyr.
Manıtoba provıntsııasynda áýe tasymaldaryn júzege asyratyn kanadalyq Perimeter Aviation kompanııasynyń ushaǵy Vınnıpeng qalasynan ushyp shyǵyp, dittegen jerine bir shaqyrym qalǵanda - Belcher araldaryndaǵy kishigirim eldi mekenniń mańaıynda apatqa ushyrady. Onyń sebepteri jarııalanǵan joq.
