Kanadada jolaýshy ushaqtan sekirip ketti
ASTANA. 28 mamyr. QazAqparat - Jolaýshynyń ómirine qaýip tóndirgen oqıǵa Kanadanyń iri qalalarynyń biri Torontodaǵy halyqaralyq áýejaıda oryn aldy.
Bul týraly Ýtro.rý jazyp otyr.
Er adam jerge qonǵan, biraq áli de ushý-qoný alańynda qozǵalysyn toqtatpaǵan ushaqtan sekirip ketken.
Kýbadan ushyp kelgen Sunwing áýe kompanııasynyń laıneri termınalǵa jaqyndaǵan ýaqytta ushaqtyń apatty esikteriniń biri kenetten ashylyp, jolaýshy jerge sekirdi. «Abyroı bolǵanda, er adam japa shekken joq», - deıdi qalanyń tártip saqshylary.
Zań buzýshy polıtsııanyń qolyna tapsyryldy. Torontonyń 32 jastaǵy turǵyny júıke aýrýyna shaldyqqan. Ol birden jergilikti klınıkaǵa jóneltildi. «Oǵan qatysty aıyptyń taǵylýy ekitalaı», - dep atap ótti tártip saqshylary.
