Kanadada jeńil motorly ushaq qulap, ushqyshy qaza tapty
ASTANA. QazAqparat - Kanadanyń Manıtoba provıntsııasynda shaǵyn ushaq apatqa ushyrap, saldarynan bir adam qaza tapty, dep habarlaıdy Rosbalt.
Beechcraft Musketeer markaly tórt oryndyq ushaqtyń bortynda ushqysh qana bolǵan.
Ushaq Sent-Endrıýs shaǵyn qalashyǵynyń áýejaıynan ushyp shyǵysymen, Vınnıpegten soltústikke qaraı 15 shaqyrym qashyqtyqta aýyl arasyndaǵy jolǵa qulady. Áýe apatynyń sebepteri men qaza tapqan azamattyń tulǵasy anyqtalyp jatyr.
Ushaq kórshiles Ontarıo provıntsııasyna baǵyt alǵan. Oqıǵa jaıly basqadaı málimetter ázirge tirkelgen joq.
