Kanadada zeınetker lotoreıadan 22 mıllıon dollar utyp aldy
KINGSTON. QazAqparat – Kanadanyń Kıngston qalasynda turatyn zeınetker 30 jyl boıy lotoreıa oınap, Lotto Max lotoreıasynyń 22 mıllıon dollar kóleminde djekpotyn utyp aldy, dep habarlaıdy QazAqparat Global News-ke silteme jasap.
Mıllıoner atanǵan Lorı Skottyń bıleti 9 maýsymda oınatylǵan, al onyń aty tek ótken aptada jarııalandy.
Lotoreıa uıymdastyrýshylarynyń málimetinshe, zeınettegi kitaphanashy jaqynda ǵana Lotto Max lotereıasynyń avtomatty tańdaýyna jazylyp, sonyń arqasynda utysqa ıe bolǵan.
«Meniń bıletim demalysta júrgenimde avtomatty túrde satyp alyndy», - deıdi Skott.
Ol djekpot utyp alǵany týraly elektrondy habarlamany saıahattap júrgen kezinde alǵan, biraq Ontarıodan tys jerde júrgendikten utys somasyn kórý úshin júıege kire almaǵan.
Skott úıine oralǵan kezde ǵana qansha utyp alǵanyn túsingen.
«Men buǵan sene almadym», - deıdi áıel. – Men tańǵalyp, qatty tolqydym. Demalysta júrgenimde qansha utqanymdy bilmegenime qýandym – bar oıym sonda bolar edi».
Skottyń aıtýynsha, ol utqan aqshasyn úıiniń jóndeý jumysyna jumsaıdy jáne demalysqa barady, al qalǵan bóligin qaıyrymdylyqqa jumsamaq.
