Kanadada zeınetker lotereıadan 14 mln. dollarǵa jýyq aqsha utyp aldy
ASTANA. QazAqparat - Kanadada 78 jastaǵy zeınetker Leon Hırtl lotereıadan 13,8 mln. dollar utyp aldy, dep habarlady ITAR-TASS elde onǵa tarta lotereıa utystaryn ótkizetin Atlantic Lottery qaýymdastyǵy ókilderine silteme jasap.
Hırtl Jańa Shotlandııa provıntsııasyndaǵy shaǵyn Bell aralyndaǵy eldi mekende turady. Ol ómir boıy balyqshy boldy, balyq aýlaýǵa lıtsenzııasy bitkennen keıin eki jyl buryn ǵana zeınetke shyqty. «49-dan 6» lotereıasynyń baqytty bıletin Hırtl jergilikti dárihanadan satyp alǵan edi.
«Men utys túbirtegin usynǵan qyz meniń mıllıoner bolǵanyma senbedi. Ol barlyq qyzmetkerlerdi shaqyryp, utys sandaryn birge tekserdi», - dep áńgimeledi zeınetker jýrnalısterge. Ol lotereıadan alǵash ret 30 jyl buryn 1 myń dollar ǵana utypty. Hırtl ázirge óziniń dáýletin qalaı jumsaıtynyn áli sheshken joq. Atlantic Lottery 1976 jyldan beri Kanada aýmaǵynda utys ótkizedi. Osy kezden beri júldeli utys somasy 5,5 mlrd. dollardan asty. Qaýymdastyq ókilderiniń aıtýynsha, eń sátti bıletter Jańa Shotlandııamen kórshiles Nıý-Bransýık provıntsııasynda bolǵan kórinedi. Osy óńirdiń ókilderi kóp utystarǵa ıe bolǵan. Bıylǵy mamyr aıynda ǵana jas áıel men otbasylyq jup tıisinshe 7 jáne 10 mln. dollardan utqan.
