Kanadada velomarafon qatysýshylaryna belgisiz bireý oq jaýdyrǵan
ASTANA. QazAqparat - Kanadanyń Brıtandyq Kolýmbııa provıntsııasynda belgisiz bireý jyl saıyn ótetin «Cache Creek 600» velomarafonynyń qatysýshylaryna oq atty, dep habarlady ITAR-TASS.
Saldarynan 59 jastaǵy er adam jaraqat alyp, aýyr halde aýrýhanaǵa jatqyzyldy. «Qazir tergeý amaldary júrgizilip jatyr. Oqıǵany kózimen kórgender qylmyskerdiń oq atqannan keıin birden belgisiz baǵytta izin jasyrǵanyn aıtady», - dep málim etti aımaqtyq polıtsııa ókili Krıs Klark. Basqa aqparat berýden polıtsııa qyzmetkeri bas tartty. Aıta keteıik, dástúrli «Cache Creek 600» velomarafony senbi kúni Pıtt Medoýs qalasynda bastaldy. Onyń qatysýshylary Kesh-Krık eldi mekenine deıin baryp, 600 shaqyrym qashyqtyqty eki kún ishinde baǵyndyryp, máre bastalǵan jerge qaıtyp kelýleri tıis bolatyn.
