Kanadada vaktsınadan bas tartqan 3,3 myńnan astam dáriger jumystan shettetildi

OTTAVA.QazAqparat - Brıtandyq Kolýmbııanyń batys provıntsııasyndaǵy 3,3 myńnan astam medıtsına qyzmetkeri COVID-19 vaktsınasynan bas tartýyna baılanysty jumystan ýaqytsha shettetildi. Bul týraly dúısenbide Global News telearnasy aımaqtyń densaýlyq saqtaý mınıstrliginiń basshysy Edrıan Dıkske silteme jasap habarlady.

Onyń aıtýynsha, oblystaǵy 127,5 myń medıtsına qyzmetkeriniń 96 paıyzy koronavırýsqa qarsy vaktsınatsııanyń tolyq kýrsyn aıaqtap úlgerdi, al 2 myńnan astamy bir ǵana ınektsııa alǵan. Qalǵan 3325 adam ekpe týraly málimetterdi berýden bas tartqan, nemese ekpe almaǵan, sonyń saldarynan olar jumystan shettetilgen.

Dıks atap ótkendeı, aımaqtaǵy aýrýhanalar medıtsınalyq kadrlardyń tapshylyǵyna ushyrady, osyǵan baılanysty kóptegen hırýrgııalyq operatsııalar toqtatyldy.