Kanadada ushaq apatynan qaza tapqandar Ózbekstan týmasy bolyp shyqty
TAShKENT. QazAqparat – Ózbekstannyń Syrtqy ister mınıstrligi Ózbekstan týmasy Otabek Obloqulov, Bobomýrod Nabıev jáne olardyń otbasy músheleri Kanadada ushaq apatynan opat bolǵanyn rastady, dep habarlaıdy «QazAqparat» HAA-nyń menshikti tilshisi.
Vedomstvonyń málimdeýinshe, jeńil motorly ushaqty Otabek Obloqulov basqarǵan. Ol áıeli jáne úsh balasyn alyp, týystarymen birge (jalpy jeti adam) Torontodan Kıngstonǵa demalysyn ótkizý úshin bara jatqan. Qolda bar derekterge qaraǵanda, qaıǵyly oqıǵaǵa aýa raıynyń kúrt nasharlaýy sebep bolǵan.
Qaza tapqandardyń kim ekendigi tolyq anyqtalǵan. Ózbekstan SІM kóz jumǵandardyń máıitin otanyna qaıtarý máselesi boıynsha jumys istep jatyr.
Buǵan deıin Kanadanyń Ontarıo provıntsııasyndaǵy Kıngston qalasy áýejaıynyń mańynda shaǵyn ushaq apatqa ushyraǵanyn habarlaǵan edik. Torontodan ushqan ushaq Kıngston áýejaıyna qonýy tıis bolǵan. Biraq keshki beste áýejaıǵa jeti shaqyrym jetpeı, ormanǵa qulaǵan.
Avtory: Mıras Qýandyqov
