Kanadada ushaq apatynan 6 adam qaza tapty
OTTAVA. QazAqparat – Kanada taýlarynda shaǵyn ushaq apatqa ushyrap, kem degende 6 adam qaza tapty, dep habarlaıdy QazAqparat Anadoly agenttigine silteme jasap.
Ushaq bortynda bes jolaýshy men ushqysh bolǵan. Olardyń bári qaza tapty.
Aqparatqa sáıkes, ushaq Kalgarı qalasynyń mańyndaǵy áýejaıdan juma kúni jergilikti ýaqyt boıynsha saǵat 21:00 shamasynda ushyp shyqty. Saǵat 01:00 shamasynda ushaqtyń joǵalyp ketkeni týraly habar túsken.
Kanadanyń kóliktegi qaýipsizdik keńesi oqıǵany tergeýge kiristi.
