Kanadada ushaq apatqa ushyrady, qurbandar arasynda balalar bar
KINGSTON. QazAqparat – Kanadanyń Ontarıo provıntsııasyndaǵy Kıngston qalasy áýejaıynyń mańynda shaǵyn ushaq apatqa ushyrady, dep habarlaıdy QazAqparat CTVNews.ca-ǵa silteme jasap.
Jeti adam opat bolǵan, sonyń úsheýi jas bala. Kanadanyń Kóliktegi qaýipsizdik keńesi apat ornyna sarapshylaryn jibergen. Beısenbi kúni keshkisin qaıǵyly oqıǵanyń sýretteri jarııalandy.
Jergilikti bılik ókilderiniń aıtýynsha, Torontodan ushqan ushaq Kıngston áýejaıyna qonýy tıis bolǵan. Biraq keshki beste áýejaıǵa jeti shaqyrym jetpeı, ormanǵa qulaǵan.
Habarlarǵa qaraǵanda, apattyń aldynda ǵana Kıngston oblysynda aýa raıyna baılanysty eskertý jarııalanǵan. Jergilikti turǵyndardyń aıtýynsha, apat bolǵan kezde qatty jel soǵyp, nóser jaýǵan.
