Kanadada ýly zattar tıegen poıyz relsten shyǵyp ketti
ASTANA. QazAqparat - Kanadada ýlaǵysh zattardy ákele jatqan poıyz relsten shyǵyp ketti. Saldarynan órt tutandy, dep habarlady Rosbalt.
Bul jaǵdaı Saskachevan provıntsııasynda Ýoden eldi mekeninen batysqa qaraı 17 shaqyrym jerde oryn aldy. 100 vagonnyń 26-sy relsten shyǵyp ketip, otqa oranǵan. Olardyń altaýynda qaýipti materıaldar, tórteýinde aldyn ala málimetter boıynsha, tuz qyshqyly nemese kúıdirgish soda, taǵy ekeýinde munaı ónimderi bolǵan.
Órtengen poıyzdyń ústinen tútin turdy. Qaýipsizdikti saqtaý maqsatymen, apat ornyna segiz shaqyrymǵa deıin adamdardy jaqyndatpaıdy, qaýipti zona arqyly avtokólikterdiń júretin joly jabyldy.
