Kanadada tikushaq apatqa ushyrap, 4 adam kóz jumdy
ASTANA. KAZINFORM — Kanadanyń Kvebek provıntsııasy Monreal qalasynyń mańynda tikushaq qulap, tórt adam qaza tapty. Bul týraly jergilikti BAQ habarlady, dep jazady Sınhýa.
Jergilikti ýaqyt boıynsha shamamen saǵat 14:30–da (Grınvıch ýaqytymen 18:30) polıtsııaǵa Monrealdan ońtústik-shyǵysqa qaraı shamamen 55 shaqyrym jerde ornalasqan Sent-Brıjıd-d’Ibervıl qalasynyń mańynda áýe kemesi qulaǵany týraly habar túsken.
Jerge qulaǵan kezde tikushaq órtenip ketken. Oqıǵa ornyna kelgen jedel qyzmet mamandary órtti bir saǵat ishinde sóndirdi. Tikushaq bortyndaǵy tórt adamnyń barlyǵy oqıǵa ornynda qaza tapqany anyqtaldy.
Aldyn ala tergeý málimetinshe, tikushaq ushyp shyqqannan keıin kóp uzamaı bortta tótenshe jaǵdaı týyndap, keıin áýe kemesi apatqa ushyraǵan.
Polıtsııa ázirge tikushaqtyń kimge tıesili bolǵanyn, qaıdan ushyp shyqqanyn jáne qaıda baǵyt alǵanyn, sondaı-aq qaza tapqandardyń jeke basyn anyqtaı alǵan joq.
Kanadanyń kólik qaýipsizdigi keńesi apattyń sebepterin anyqtaý úshin oqıǵa ornyna mamandar tobyn jiberdi.
Aıta keteıik, Kolýmbııada apatqa ushyraǵan ushaq tabyldy.
