Kanadada Tımýr Bekmambetovtiń jańa fılminiń álemdik premerasy ótti (TREILER)
ASTANA. QazAqparat - Áıgili «Shyrsha» fılmin dúnıege ákelgen prodıýser Tımýr Bekmambetov pen rejısser Leo Gabrıadzeniń «Cybernatural» fılminiń álemdik premerasy Monrealdaǵy «Fantasia» kınofestıvalinde ótti.
Qorqynyshty janrda túsirilgen fılmniń sıýjeti boıynsha ólip qalǵan qyz Skype arqyly óziniń synyptastarymen sóılese bastaıdy. Ondaǵy barlyq áreketter kompıýter ekranynda júzege asady. «Cybernatural» bıýdjeti az fılm bolady, sebebi, áli tanymal bolyp úlgermegen jas akterler túsirilgen degen syndy pikirler aıtylyp jatsa da, kınokompanııa onyń bıýdjetiniń 500 myń dollar quraǵanyn aıtyp otyr. Al ádette bıýdjettik shyǵyny az fılm dep 20 myń dollarǵa túsirilgen týyndylar atalady. «Biz osy fılm arqyly qazirgi qoǵamdaǵy ózekti taqyryp - kıberterrorızmdi ashyp kórsetýge tyrystyq. Ol ǵalamtor jelisi arqyly búkil álemge taralýda. Máselen, qazirgi jasóspirimderdiń ǵalamtor arqyly jasyryn túrde óz qatarlastaryn úreıge bóleýi - adamdy qorqytýdyń bir ǵana qarapaıym túri», - deıdi T.Bekmambetov. Fılmniń halyqaralyq prokatqa qandaı atpen shyǵatyny jýyrda belgili bolmaq, dep habarlaıdy Lenta.rý. Kınoforým qonaqtarynyń ótinishi boıynsha búgin 29 shildede kartınanyń qosymsha kórsetilimi uıymdastyrylmaq.
