Kanadada temir joldaǵy apat saldarynan evakýatsııa jarııalandy
NUR-SULTAN. QazAqparat – Kanadada Alberta provıntsııasynyń ońtústiginde ýly hımııalyq zattardy tasymaldaǵan poıyz relsten shyǵyp ketti, dep habarlaıdy QazAqparat kanadalyq CBC News-ke silteme jasap.
Barons qalashyǵynyń mańyndaǵy relsten 21 vagon men lokomotıv shyǵyp ketti. Oktan tasymaldaıtyn úsh vagonnan suıyqtyq aǵa bastaǵan, alaıda mamandar suıyqtyq shyqqan jerdi jedel bitep tastaǵan.
Oktannyń jarylý qaýiptiligi joǵary bolǵandyqtan, jergilikti bılik ókilderi oqıǵa ornynan eki shaqyrym radıýstaǵy turǵyndardy evakýatsııalaýǵa kiristi. Jalpy alty úı, kórshiles golf-kýrstar men kempıngtegi adamdar shuǵyl kóshirildi.
Odan bólek jaqyn mańda ótetin avtokólik jolyndaǵy qozǵalysqa birneshe saǵatqa shekteý qoıyldy.
Qazirgi ýaqytta qutqarýshylar aýmaqty tógilgen hımııalyq eritindilerden tolyqtaı tazartty, alaıda temir joldaǵy qozǵalys ázirge qalpyna kele qoıǵan joq.
