Kanadada táýlik ishinde koronavırýs juqtyrýdyń jańa rekordy tirkeldi
OTTAVA. QazAqparat – Sońǵy táýlikte Kanadada koronavırýs juqtyrýdyń rekordtyq sany tirkeldi. Іndet juqtyrý sany 6 258-den 7 437 oqıǵaǵa deıin ósken. Osylaısha, táýlik ishinde elde Covid-19 vırýsyn 1179 adam juqtyrǵan, dep habarlaıdy Kanada Densaýlyq saqtaý mınıstrligine silteme jasaǵan QazAqparat.
Koronavırýs juqtyrýdyń eń kóp sany Kvebek provıntsııasynda tirkeldi. Onda bir táýlikte 590 jańa oqıǵa anyqtalǵan. Koronavırýsqa shaldyqqandardyń jalpy sany - 3430 adam. Ekinshi jáne úshinshi orynda – Ontarıo provıntsııasy (1706 oqıǵa) jáne Brıtandyq Kolýmbııa (960 oqıǵa). Brıtandyq Kolýmbııada aýrý juqtyrǵan adamdardyń 48 paıyzy saýyqty. Ontarıoda 400 adam jazylyp shyqty.
Kanadada koronavırýs juqtyrýdyń birde-bir oqıǵasy tirkelmegen jer – Nýnavýt arktıkalyq aýmaǵy.
12 naýryzda álemdik BAQ koronavırýstyń Kanada premer-mınıstri Djastın Trıýdonyń zaıybynan anyqtalǵanyn habarlaǵan. Londonnan oralǵan odan test alynyp, indettiń bar ekenin kórsetti. Premer-mınıstrdiń ózi jáne úsh balasynan vırýs belgileri anyqtalmaǵan edi. Ótken demalys kúnderi Sofı Trıýdonyń tolyq jazylyp, ózin jaqsy sezingeni týraly jarııalandy.
Kanadada koronavırýsqa shaldyǵýdyń birinshi oqıǵasy 15 qańtarda tirkelgen. Іndetten kóz jumǵandar sany - 89 adam.
