Kanadada sarapshylar Qazaqstannyń óńirlik jáne halyqaralyq qaýipsizdikke qosqan úlesin joǵary baǵalady
NUR-SULTAN. QazAqparat - Qazaqstan Respýblıkasy táýelsizdiginiń 30 jyldyǵyna arnalǵan is-sharalar serııasy sheńberinde Kanadada onlaın konferentsııa ótti, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.
Onyń barysynda Qazaqstannyń táýelsizdik jyldaryndaǵy óńirlik jáne halyqaralyq qaýipsizdik salasyndaǵy bastamalary men jetistikteri talqylandy.
Konferentsııany ashqan Qazaqstan Elshisi Aqylbek Kamaldınov elimiz ıadrolyq qarýsyzdaný, jappaı qyryp-joıatyn qarýdy taratpaý salasynda kóshbasshy dep tanylǵanyna, jáne elimizdiń sarbazdary BUU bitimgershilik operatsııalaryna qatysyp jatqanyna nazar aýdardy.
Halyqaralyq qaýymdastyq Qazaqstannyń álemdegi tórtinshi ıadrolyq arsenaldan bas tartý jáne Semeı ıadrolyq polıgonyn jabý týraly sheshimderin, sondaı-aq birqatar beıbit kelissózderge deldal bolý bastamasyn joǵary baǵalady.
Elshi A. Kamaldınov Qazaqstan AÓSShK qurýdyń bastamashysy ekenin jáne Sırııadaǵy qaqtyǵysty retteý boıynsha beıbit kelissózder júrgizý úshin «Astana protsesin» usynǵanyn atap ótti. Elimiz 2013 j. Almatyda Iran ıadrolyq baǵdarlamasy boıynsha kelisim jasasýda jáne Iran men «5+1» toby arasyndaǵy kelissózderdiń eki raýndynda mańyzdy ról atqardy, - dedi ol.
Otandyq dıplomat Tuńǵysh Prezıdent – Elbasy Nursultan Nazarbaevtyń bastamasymen ıAdrolyq qaýipsizdik pen ıadrolyq qarýdan azat álem úshin jahandyq kóshbasshylar alıansy qurylǵanyn, onyń maqsaty ıadrolyq soǵys qaýpinen azat bolashaqty qurýdy ilgeriletý bolyp tabylatynyn jetkizdi.
Elshi qatysýshylardy BUU Qaýipsizdik Keńesine jáne BUU Bas Assambleıasyna esep beretin mamandandyrylǵan Halyqaralyq bıologııalyq qaýipsizdik agenttigin (IABS) qurý jónindegi Prezıdent Qasym-Jomart Toqaevtyń bastamasymen tanystyrdy.
Kanadanyń Qazaqstandaǵy burynǵy Elshisi Margaret Skok táýelsizdik jyldary Qazaqstan aýqymdy saıası jáne áleýmettik-ekonomıkalyq reformalar júrgizgenin jáne Ortalyq Azııanyń ekonomıkalyq jáne azyq-túlik qaýipsizdigine eleýli úles qosqanyn atap ótti.
Kanadanyń jahandyq qatynastar ınstıtýtynyń ǵylymı qyzmetkeri Endrıý Rasıýlıs Qazaqstannyń táýelsizdiktiń 30 jylyndaǵy saıası men áleýmettik-ekonomıkalyq jetistikterin jáne kelissózder júrgizý men medıatsııa qyzmetterin usyný arqyly óńirlik janjaldardy retteýge qosqan eleýli úlesin oń sıpattady. Ol halyqaralyq kún tártibindegi máseleler boıynsha Nur-Sultan men Ottava ustanymdarynyń uqsastyǵyn jáne bitimgershilik pen deldaldyq salasynda ózara is-qımyldy jolǵa qoıý múmkindigin atap ótti.
N. Nazarbaev Qory janyndaǵy Álemdik ekonomıka jáne saıasat ınstıtýtynyń (ÁESI) dırektory Erjan Saltybaev óńirlik jáne halyqaralyq qaýipsizdik salasyndaǵy Qazaqstannyń saıasatyna egjeı-tegjeıli sholý jasady. Ol elimizdiń bastamasy boıynsha Ortalyq Azııada ıadrolyq qarýdan azat aımaq qurylǵanyn jáne Qazaqstannyń mańyzdy jetistigi – MAGATE qamqorshylyǵymen óz aýmaǵynda Tómen baıytylǵan ýran bankin ornalastyrý bolǵanyn eskerip ótti.
Onyń pikirinshe, «ıAdrolyq qarýsyz álem jáne jahandyq qaýipsizdik úshin Nazarbaev syılyǵyn» berý jahandyq antııadrolyq kún tártibin ilgeriletetin mańyzdy bastamasy bolyp tabylady. Qarý taratpaý jáne qarýsyzdaný máselelerine asa zor úles qosqan tulǵalarǵa marapat 2016 jyldan bastap ár eki jyl saıyn beriledi. Sonymen qatar, ol ÁESI men Nursultan Nazarbaev Qory ıadrolyq qarýdy taratpaý jáne qarýsyzdaný jónindegi ashyq halyqaralyq dıalogty jolǵa qoıý úderisine belsendi atsalysady.
Halyqaralyq qaýipsizdik jáne saıasat ortalyǵynyń dırektory Álimjan Ahmetov Qazaqstannyń antııadrolyq bastamalaryn egjeı-tegjeıli sıpattap, bizdiń elimiz ıadrolyq soǵys qaýpinen azat álem qurýǵa yqpal etetin ıadrolyq qaýipsizdik salasyndaǵy barlyq halyqaralyq sharttardyń, sonyń ishinde ıASJTSh, ıAQTSh jáne ıAQTSSh-nyń belsendi qatysýshysy bolyp tabylatynyn atap ótti. Ol Qazaqstannyń ıadrolyq qarýǵa tyıym salý týraly shartty ázirleýge, sondaı-aq ıAQTSh-nyń is-qımylyn qaraý jónindegi sholý konferentsııasynyń daıyndyq komıtetteriniń otyrystaryna tikeleı qatysqanyn atap ótti.
Qazaqstannyń Ontarıo provıntsııasyndaǵy Qurmetti konsýly Sten Bartı elimizdiń táýelsizdik jyldaryndaǵy ekonomıkalyq jetistikterin, sondaı-aq memleketimizdiń kópvektorly syrtqy saıasatyn joǵary baǵalady.
Іs-sharany Qazaqstannyń Kanadadaǵy Elshiligi Karlton ýnıversıtetiniń Eýropa, Reseı jáne Eýrazııalyq zertteýler ınstıtýtymen (EURUS) jáne Toronto ýnıversıtetiniń Eýropa, Reseı jáne Eýrazııalyq zertteýler ortalyǵymen (CERES) birlesip ótkizdi.
