Kanadada Sadrıddın Ahmedovtiń kimmen jekpe-jekke shyǵatyny belgili boldy

MONREALЬ. QazAqparat - Monrealda (Kanada) Eye of the Tiger Management kompanııasy aldaǵy eki boks keshine arnalǵan baspasóz máslıhatyn ótkizdi, dep habarlaıdy QazAqparat Sports.kz-ke silteme jasap.

Keshtiń birinde, ıaǵnı 12 naýryz kúni rıngke jastar arasyndaǵy WBC jáne WBC Asia chempıony, qazaqstandyq Sadrıddın Ahmedov (11-0, 10 KO) shyǵady. Qarsylasynyń esimi keıinirek habarlanady.

Baspasóz máslıhaty kezinde onyń promoýteri Kamıl Estefan boksshynyń aıqasy ótetin kúndi resmı túrde jarııa etti. Sharaǵa sportshynyń ózi de qatysty.

Ahmedovtiń sońǵy jekpe-jegi 2019 jyldyń 7 jeltoqsanynda Monrealda ótken bolatyn. Ol argentınalyq Hose Antonıo Vılıalobosty (12-6-2, 7 KO) jetinshi raýndta nokaýtqa jiberdi.