Kanadada órtke baılanysty munaıshylardy qutqarý jumystary júrgizildi
ASTANA. QazAqparat - Kanadanyń batysyndaǵy Albert provıntsııasynda ormanda órt shyqqandyqtan, eki munaı zaýytynyń qyzmetkerleri qaýipsiz jerge shyǵaryldy, dep habarlady TASS.
«Cenovus Energy» jáne «Canadian Natural Resources Limited» kompanııasy basshylary jergilikti bıliktiń eskertýin birden qabyl alyp, shuǵyl qaýipsizdik sharalaryna kirisken.
«Bizdegi óndiris ornynan 1,8 myń adam tikushaqpen evakýatsııalandy. Qazirgi ýaqytta órttiń zaýytqa qaýpi joq», - dedi Cenovus Energy kompanııasynyń ókili Rona Delfarı. Al Canadian Natural Resources Limited komapanııasy qansha qyzmetkerin alyp shyqqany týraly habar taratqan joq. Provıntsııanyń órtke qarsy qyzmetiniń habarlaýynsha, qazirgi ýaqytta 4 myń ga orman órtengen.
