Kanadada orman órtteri Horvatııa aýmaǵyndaı jerdi kúlge aınaldyrdy

ASTANA. KAZINFORM — Kanadada bıyl 5,5 mıllıon gektardan astam orman órtenip ketken — bul shamamen Horvatııa memleketiniń aýmaǵyna teń, dep jazady Deutsche Welle.

Eldiń Tabıǵı resýrstar mınıstrliginiń málimetinshe, jyl basynan beri el aýmaǵynda shamamen 3000 orman órti tirkelgen, onyń ishinde 560-qa jýyǵy áli de jalǵasyp jatyr.

Eldiń batys óńirlerinde qaýipsizdik maqsatynda myńdaǵan adam evakýatsııalandy. Kanadanyń astanasy Ottava halyqaralyq kómek surady. Qazirgi ýaqytta el aýmaǵynda AQSh, Jańa Zelandııa, Aýstralııa, Kosta-Rıka jáne Meksıkadan kelgen 533 órt sóndirýshi jumys istep jatyr.

Aýqymdy órtterge eldegi jaz mezgilindegi qýańshylyq pen joǵary temperatýra sebep bolyp otyr. Sońǵy jyldary Kanadadaǵy klımattyń jylyný qarqyny álemdik ortasha kórsetkishten eki ese joǵary. Sonyń saldarynan qys mezgili qysqarǵan, qar az túsetin bolǵan jáne jaz erte bastalady — bul óz kezeginde orman órtteriniń jıileýine yqpal etedi.

Budan buryn Eýropadaǵy orman órtteri Lıýksembýrgtiń kólemindeı aýmaqty sharpyǵanyn jazǵanbyz.