Kanadada orman órtiniń saldarynan bir jarym myńǵa jýyq adam qaýipsiz jerge kóshirildi
ASTANA. 19 shilde. QazAqparat - Kanadadaǵy Ontarıo provıntsııasynyń bir jarym myńǵa jýyq turǵyny aımaqta bolyp jatqan orman órtine bola óz úılerinen ketýge májbúr boldy. Bul týraly jergilikti BAQ aqparatyna silteme jasaı otyryp Ýtro.rý agenttigi habarlaǵan.
Jýrnalısterdiń málimetinshe, Kanadanyń soltústik-batysynda ornalasqan provıntsııada janyp jatqan 94 jalyn oshaǵy tirkelgen. Qazirgi tańda eki myńǵa jýyq órt sóndirýshi, 117 ushaq pen 80 tikushaq tilsiz jaýdy aýyzdyqtaýǵa tyrysyp jatyr. Aldaǵy kúnderi órtti toqtatýǵa kómektesý úshin taǵy 500 órt sóndirýshi jiberiledi, olar sársenbi kúni órt bolyp jatqan orynǵa kelýleri kerek. Sondaı-aq qosymsha ushaqtar da jetpekshi. Jaǵdaıdyń eń qıyny, aımaqta apta sońyna deıin aptap ystyq basylmaı, qatty jel soǵady dep boljanǵan.
