Kanadada orman órtine baılanysty tótenshe jaǵdaı jarııalandy
ASTANA. QazAqparat – Kanadanyń batysyndaǵy Alberto provıntsııasynyń 25 myńǵa jýyq turǵyny 100-den astam orman órtinen qashyp, úılerin tastap ketti. Bılik ókilderi «buryn-sońdy bolmaǵan daǵdarys» týraly aıtyp jatyr, dep habarlaıdy QazAqparat Deutsche Welle-ge silteme jasap.
Kanadanyń batysyndaǵy Alberto provıntsııasynda 6 mamyrda orman órtiniń kóbeıýine baılanysty tótenshe jaǵdaı rejımi engizildi. Provıntsııa premer-mınıstri Danıel Smıt «resýrstardyń barlyǵy buryn-sońdy bolyp kórmegen daǵdaryspen kúresýge baǵyttalýy kerektigin» málimdedi.
Bılik ókilderiniń málimetinshe, 25 myńǵa jýyq adam úılerin tastap ketýge májbúr bolǵan. Keıbiri qaıyqpen jáne tikushaqpen qaýipsiz jerlerge jetkizildi. Taǵy myńdaǵan turǵynǵa evakýatsııaǵa daıyndalý keregi habarlandy.
