Kanadada orman órti órship, myńdaǵan adam evakýatsııalandy
OTTAVA. QazAqparat – Kanada eliniń Alberta provıntsııasynda orman órti órship tur. Jalyn 120 gektardan astam aýmaqta orman men ondaǵan úıdi sharpyǵan. Bul týraly QazAqparat Euronews-ke silteme jasap habarlaıdy.
Alberta provıntsııasynyń 30 myńǵa jýyq turǵyny orman órti kesirinen úılerin tastap ketýge májbúr boldy.
Jergilikti bıliktiń málimetinshe, munda 110-nan astam órt oshaǵy anyqtaldy. Olardyń úshten biri áli baqylaýǵa alynbaǵan. Myńdaǵan gektar egindik jer órtke orandy.
Ot birneshe kún buryn tutanǵan. Ormannyń 122 ga aýmaǵyn sharpydy. 6 mamyrda provıntsııada tótenshe jaǵdaı jarııalandy.
Provıntsııa premer-mınıstri Denıel Smıt zardap shekken keıbir aýdandardy aralap, evakýatsııalanǵan turǵyndarmen kezdesti. Smıt tótenshe jaǵdaılar qyzmeti bul órtterdi toqtatý úshin qoldan kelgenniń bárin jasap jatyr dep sendirdi.
