Kanadada narazylyq aktsııasy kezinde avtomobıl 4 adamdy qaǵyp ketti
NUR-SULTAN. QazAqparat – Vınnıpegede (Manıtoba) ótip jatqan koronavırýs shekteýlerine qarsy narazylyq aktsııasynyń qatysýshylaryn avtokólik basyp ótip, 4 adam zardap shekti. Bul týraly senbi kúni CTV telearnasy málim etti, dep habarlaıdy QazAqparat.
Oqıǵa narazylyq bildirýshiler jınalǵan aımaqtyń zań shyǵarý mekemesi ǵımaratynyń aldynda boldy. Kýágerlerdiń aıtýynsha, jol talǵamaıtyn aq kólik jınalǵan topty basyp ótip, birneshe adamdy qaǵyp ketken. Keıin qatty jyldamdyqpen oqıǵa ornynan ketip qalǵan.
Polıtsııa ony jedel ustady. Onyń nelikten bul áreketke barǵany anyqtalyp jatyr. Zardap shegýshilerge medıtsınalyq kómek kórsetildi.
Kanadanyń kóptegen qalasynda osy demalys kúnderi pandemııaǵa baılanysty engizilgen shekteýlerge qarsy narazylyq aktsııalary ótip jatyr. Olardyń eń úlkeni 29 qańtarda Ottavada bastaldy jáne áli ótip jatyr.
Foto: Shannon VanRaes / Reuters
