Kanadada munaı óńdeý zaýytynda jarylys bolyp, bir adam qaza tapty
ASTANA. QazAqparat - Jarylys Kanadanyń Alberta provıntsııasyndaǵy «Nexen» kompanııasynyń kásipornynda boldy. Bir adam qaza taýyp, taǵy bir adam aýrýhanaǵa aýyr halde jetkizildi, dep habarlady RIA Novostı «CBC» telearnasyna silteme jasap.
Oqys oqıǵa jumadan senbige qaraǵan túnde oryn alǵan. Zaýyt jumysyn 12 saǵatta qalpyna keltirý josparlanǵan. Onda jedel qyzmet pen provıntsııanyń Energetıkalyq retteý qyzmeti ókilderi jumys istep jatyr. Kompanııa aqparatynsha,
jarylys jaqyn mańdaǵy eldi-meken turǵyndaryna qaýip tóndirmeıdi.
