Kanadada myńdaǵan stýdent narazylyq aktsııasyna shyqty
ASTANA. KAZINFORM — Kanadanyń Monreal qalasynda juma kúni myńdaǵan stýdent ómir súrý quny men oqý aqysynyń qymbattaýyna qarsy narazylyq aktsııasyna qatysty. Bul týraly TASS agenttigi habarlady.
Kanada ýnıversıtetteriniń myńdaǵan stýdenti qatysqan aktsııany «Stýdenttik kásipodaqtardyń birligi jolyndaǵy qarsylyq koalıtsııasy» atty kásipodaq birlestigi uıymdastyrǵan.
CTV News habarlaýynsha, stýdentter Frantsııadaǵy narazylyq aktsııalarynan keıin 5 kún boıy Monreal kóshelerine shyqqan.
Narazylyq kezinde aktsııaǵa qatysýshylardyń keıbiri Monrealdaǵy Dúnıejúzilik saýda ortalyǵy ǵımaratynyń terezelerin syndyrǵan. Sondaı-aq keıbir stýdentter polıtsııa qyzmetkerlerine tas laqtyrǵannan keıin narazylar men tártip saqshylary arasynda qaqtyǵys bolǵan.
Polıtsııa qyzmetkerlerine shabýyl jasady degen kúdikpen úsh adam ustaldy.
Eske sala keteıik, Germanııada myńdaǵan adam Iran halqyna qoldaý bildirip, sherýge shyqqan bolatyn.