Kanadada mektep oqýshysy eki baýyry men qala basshysy mindetin ýaqytsha atqarýshynyń qyzyn atyp óltirdi

Bul týraly senbide qala basshysynyń mindetin ýaqytsha atqarýshy Kevın Janve habarlady.

Mekteptegi atys saldarynan tórt adam qaza tapty. «Ol úıinde eki óziniń baýyryn atyp, artynsha mektepke kelgen», - dedi ol. Bul jerde shabýyldaýshy taǵy eki adamǵa oq jaýdyrǵan. Qaza bolǵandardyń biri qala basshysynyń mindetin ýaqytsha atqarýshy Kevınniń 23 jastaǵy qyzy Marı Janve, ol mektepte ustaz bolǵan. Tórtinshi ajal qushqan jannyń kim ekeni belgisiz. The National Post gazeti óziniń elektrondyq nusqasynda taǵy eki adam aýyr jaǵdaıda aýrýhanada jatqanyn málimdedi. Mektep janynda atys uıymdastyrǵan oqýshynyń kim ekeni, mundaı áreketke ne úshin barǵany ázirge habarlanbady. Shabýyldaýshy ustaldy.