Kanadada mektep avtobýsy júk kóligimen soqtyǵysqan
ASTANA. QazAqparat - Kanadada mektep avtobýsy men tirkemesi bar júk kóliginiń soqtyǵysýynan eki adam zardap shekti, dep jazady TASS .
CBC telearnasynyń habarlaýynsha, apat Shonıgan-Leık qalasynda bolǵan. Tirkemesine qaıyq artqan júk kóligi joldan syrǵyp ketip, avtobýstyń aldyńǵy jaǵyna soǵylǵan. Saldarynan eki júrgizýshi de jaraqattanyp aýrýhanaǵa tústi. Abyroı bolǵanda, avtobýstaǵy 12 mektep oqýshysy zardap shekken joq.
Aldyn ala boljam boıynsha, keleńsiz jaǵdaıǵa aýa raıynyń qolaısyzdyǵy (qar jáne joldyń kóktaıǵaq bolýy) sebep bolǵan.
Shonıgan-Leık qalasy Vankýverden ońtústik batysqa qaraı shamamen 120 shaqyrym qashyqtyqta ornalasqan.
